法言人丨黃嘉樂角色輕佻大解放有驚喜 太太弱視自救成為攝影師勁勵志

劇集《法言人》中，黃嘉樂飾演的Will是富二代律師，性格輕佻有趣，跟以往演過的角色相當不同，網友們都紛紛留言大讚他有突破、有驚喜。今次黃嘉樂首次挑戰男主角的位置，跟馬國明、張頴康平分秋色，鬼馬的表情加對白，格外搶戲。Will跟女星CoCo（趙璧渝飾）及媽媽（盧宛茵飾）都有不少對手戲，除了得得戚戚「We~~」大家外，還有不少情深的戲份。

同場加映：法言人丨蔣祖曼硬朗外表掩蓋真性情 爭取時間陪仔女：相處似家姐

{{hket:ul-video id="8125"}}{{/hket:ul-video}}

黃嘉樂張頴康太太Sweet爆舉牌 「法言人妻團」超強集結撐劇【下一頁】

{{hket:inline-image name="269946488_1579669382382760_1232949690492752003_n.jpg"}}{{/hket:inline-image}}

{{hket:inline-image name="271866709_154189790282429_3274582346204144500_n.jpg"}}{{/hket:inline-image}}

{{hket:inline-image name="271869910_1017515999107228_1927569902679070668_n.jpg"}}{{/hket:inline-image}}

{{hket:inline-image name="259957665_227286026286348_589350683559383855_n.jpg"}}{{/hket:inline-image}}

嘉樂獲得觀眾的認同，他都在IG答謝大家：「庾國棟，知道我一直有幾擔心你嘛，未播出街前我一直擔心觀眾，會唔喜歡你。但係隨著劇集播出，收到大家毫不吝嗇嘅鼓勵，甚至乎係讚美，仲有詳細嘅演出評論，我終於都放下心頭大石。多謝你重新把我內心大細路嘅一面帶返黎，多謝你令我對自己有返信心。雖然我喺演戲路上仲有好多嘅進步空間，但係多謝你令我知道自己仲有好多可能性。」他除了多謝角色外，還特別逐一點名多謝監製、編審、造型師、導演及剪接師等等，相當有心。今次黃嘉樂獲得不少好評，絕對要歸功於太太江惠賢（Samantha），事關嘉樂在不少訪問中都提到，跟Samantha拍拖後，令他本身木獨的個性變得開朗活潑，他們近日慶祝拍拖六周年，兩公婆越來越甜蜜，實在羨煞旁人。

嘉樂的太太Samantha是一名專業的攝影師，經常都會拍攝婚紗相，但難以想像原來Samantha本身患有弱視險盲，如今竟然是一名攝影師，背後故事都令人非常感動。Samantha近日執屋期間找到眼科的複診卡，回憶起一切都大為感觸。她撰長文分享：「最近濛豬媽執屋，佢話呢張覆診咭係佢特登keep住。識得我耐嘅人應該都知道我對眼嘅故事。幼稚園嘅時候，媽咪開始發現我好似唔係好睇到，然後醫生發現我有嚴重嘅弱視，醫生同佢講，呢個小朋友好快都會盲。當然，濛豬作為媽媽一定係好傷心又擔心。當時每年都會換一副更厚嘅眼鏡，最重嘅時候，耳背會損，有一副眼鏡仲有條帶可以箍住。媽咪照醫生指示，喺屋企要用紗布冚住我其中一隻眼，另一隻眼就要滴藥水，反覆做。（而家醫學咁昌明應該唔使咁做）直至我小五升小六嗰年，講真青春期，我真係頂唔順自己呢個樣，又冇乜人同我玩，我又唔想眼鏡加到冇得再厚，又或者我真係會盲，成個人生點算？」

{{hket:inline-image name="89484557_501980867344022_4003853832043292078_n.jpg"}}{{/hket:inline-image}}

{{hket:inline-image name="344280328_195158153327298_3179366903992106041_n.jpg"}}{{/hket:inline-image}}

黃嘉樂迎娶Samantha金器似「十環」 唐詩詠馬國明再做兄弟幫手「開門」【下一頁】

Samantha續言：「當時我媽咪一日打兩份工養我哋，好少見到我返學，我就由小六第一日開始，收埋個眼鏡喺書包，每日用曬（晒）全身嘅力氣去睇黑板睇書，有時會睇到好頭痛，太用力，記得係耳眼頭都會痛，會想嘔。慢慢，我發現開始用少左（咗）力都睇得清。一年後，我話比（畀）媽咪聽，我睇野（嘢）好清楚，我冇帶（戴）眼鏡喇！媽咪本身都唔信，係呀，我自己都唔信。直至我三十三歲，我先突然間想去驗眼，驗出黎（嚟）係近視遠視乜嘢都冇，一切正常。所以，我對眼係我自己嘅信念練返黎（嚟），醫院話我會盲又點，信自己，點解唔可以信自己試一次？做咗咁多份工之後竟然十五年前做咗攝影師，係天意黎（嚟），我用返（番）呢一對上天比（畀）返我嘅眼睛，帶比（畀）人歡樂！呢件事亦奠定咗，我係一個倔強，堅持自己，唔信邪乜都要試嘅人！」

不過，Samantha由於工作的關係，無論拍照還是執相都要用眼力，所以近年都不時出現疑似老花的狀況，她笑言：「我有為呢件事唔開心左（咗）一陣，不過我仲係想堅持一下......可能係呢半年訓（瞓）得太少呢！」認真樂觀開朗，難怪嘉樂被她感染之餘，不少網友都大讚她的正能量爆燈！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組